ಲೇಖಕರು: ಪಿ. ಸಾಯಿನಾಥ್, ಅನು: ಜಿ.ಎನ್. ಮೋಹನ್ ಬೆಲೆ: 400/- ರಿಯಾಯಿತಿ: 10% ಪ್ರಕಾಶನ: ಅಭಿನವ, ಬೆಂಗಳೂರು

ಪಿ ಸಾಯಿನಾಥ್ ಅವರ ಕೃತಿ Everybody loves a good drought ಜಗತ್ತಿನಾದ್ಯಂತ ಸುದ್ದಿ ಮಾಡಿದೆ. ಮಾಧ್ಯಮ ಯಾವುದನ್ನು ಮರೆಯಲು ಯತ್ನಿಸುತ್ತಿದೆಯೋ ಅದನ್ನು ಮತ್ತೆ ಮತ್ತೆ ಛಲ ಹಿಡಿದಂತೆ ನೆನಪು ಮಾಡಿಕೊಡುತ್ತಿರುವವರು ಸಾಯಿನಾಥ್

ಅಂತಹ ಕೃತಿಯೊಂದನ್ನು ಕನ್ನಡಕ್ಕೆ ತರಲು ಸಾಧ್ಯವಾದದ್ದು ನನ್ನ ಬರವಣಿಗೆ ಪಯಣದಲ್ಲಿ ಒಂದು ಮೈಲಿಗಲ್ಲೇ ಸರಿ. ಪಿ ಸಾಯಿನಾಥ್ ಈ ಅನುವಾದ ನಾನೇ ಮಾಡಬೇಕು ಎಂದು ಪ್ರೀತಿಯಿಂದ ಒತ್ತಾಯಿಸಿದ್ದು ಅದಕ್ಕಾಗಿ 8 ವರ್ಷ ಕಾದದ್ದೂ ನನಗೆ ಸವಿ ನೆನಪು.

ಈ ಕೃತಿ ಇಷ್ಟು ಮುದ್ದಾಗಿ ಕಾಣಲು, ಅಷ್ಟೇ ಅಲ್ಲ ಸಾವಿರಾರು ಜನರ ಕೈ ಸೇರಲು ಯಥಾಪ್ರಕಾರ ಪ್ರೀತಿಯ ಜೋಡಿಯಾದ ಅಭಿನವದ ರವಿಕುಮಾರ್ ಹಾಗೂ ಪಿ ಚಂದ್ರಿಕಾ ಕಾರಣ. ಜೊತೆಯಲ್ಲಿ ಕೃಷ್ಣ ಚೆಂಗಡಿ. ರವಿಕುಮಾರ್- ಚಂದ್ರಿಕಾ ಈ ಕೃತಿಯನ್ನು ತಮ್ಮ ಎರಡನೆಯ ಮಗುವಿನಂತೆ ನೋಡಿಕೊಂಡಿದ್ದಾರೆ.

ಸುಮಾರು ವಿಶ್ವವಿದ್ಯಾಲಯದಲ್ಲಿ ಇದು ಪಠ್ಯವಾಗಿದೆ. ಅಷ್ಟೇ ಅಲ್ಲ ಇದನ್ನು ನಾಟಕವಾಗಿಸಿ ರಂಗವೇರಿಸಿದ್ದಾರೆ. ಸಿನೆಮಾಗಳಲ್ಲಿ ಈ ಪುಸ್ತಕದ ಮುಖ ಕಂಡಿದೆ. ಅದಕ್ಕಿಂತ ಹೆಚ್ಚಾಗಿ ಪಿ ಸಾಯಿನಾಥ್ ಅವರು ಬಣ್ಣಿಸುವ ಹಾಗೆ ಇದು ಬಿಪಿಎಲ್ ಭಾರತದ ಸಂಕಟವನ್ನು ಹೊರಗಿಟ್ಟಿದೆ.

-ಜಿ.ಎನ್. ಮೋಹನ್